Statusi i minatorit, Gjergji: Kam takuar Ramën më 2 maj të këtij viti, më mashtroi se do të na e jepte

<p>Prej kohësh, minatorët kanë mbajtur një sërë protestash përmes të cilave kërkojnë miratimin e statusit të minatorit, rritje e pensioneve dhe kushte më të mira pune.</p> <p>Ish-minatori Mark Gjergji tha në një lidhje Skype me studion e MCN Informacion se pavarësisht kërkesave dhe takimeve të herëpashershme me zyrtarë të lartë të shtetit, përfshirë edhe kryeministrit, statusi i minatorit nuk u është dhënë. &nbsp;</p> <blockquote> <p><em>Është ngritur një grup pune në ministri që asnjë ditë nuk është mbledhur për statutin e minatorit. Vetëm na gënjejnë e na mashtrojnë nga viti në vit. </em></p> <p><em>Na kanë premtuar prej 7 vitesh statusin e minatorëve. Kam takuar edhe kryeministrin më 2 maj 2024 dhe më mashtroi e më tha që statusin e keni. Ku e kemi këtë status me 200 mijë lekë? Kur ai vetë rrogën e ka 4 milionë lekë?</em></p> </blockquote> <p>Gjergji tha se minatorët kërkojnë pension mujor në masën 130% e pagës si dhe mbulim të shpenzimeve spitalore. &nbsp;</p> <blockquote> <p><em>Kemi kërkuar statusin siç e kemi pasur para 90. Me spitale dhe ilaçe të rimbursuara. Ka 34 vite që nuk i përfitojmë. Një neglizhencë dhe mungesë përgjegjshmërie. Nuk ka një qeveritar që i shërben kësaj shtrese. Jam tepër i indinjuar dhe do ta vazhdojmë luftën deri në fund që ta çojmë në fund kërkesën tonë sepse i kemi dhënë kaq shumë këtij shteti. Ne kemi nevojë për ilaçe e vizita. Shumë prej nesh kanë nevojë për t’u shtruar e për t’u kuruar. </em></p> </blockquote> <iframe width="1157" height="651" src="https://www.youtube.com/embed/VIsKja9S-XU" title="Statusi i minatorit, Gjergji: Rama më mashtroi. Dema: Qeveria të marrë masa" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>