Dy makina përplasen kokë më kokë, i riu shqiptar humb jetën 3 italianë plagosen

Një aksident tragjik që ka ndodhur paraditen e së shtunës në Sarnico të Italisë i ka marrë jetën një të riu shqiptar.

Dy makina janë përplasur kokë më kokë rreth mesditës së sotme, në një rrugë pranë një liqeni.

21-vjeçari ndodhej në një makinë të zezë të tipit Citroen C2.

Sipas Corriere.it nga aksidenti kanë mbetur të plagosur rëndë edhe 3 italianë, një 87-vjeçare, burri 90 vjeç dhe djali i tyre 63 vjeç.

Autoritetet vendase nuk e bëjnë të ditur emrin e të riut shqiptar që humbi jetën në aksident të rëndë që i mori jetën 21-vjeçarit.

Sipas raportit të mediave italiane, në vendin e ngjarjes mbërritën forca të shumta policore, skuadrat e zjarrfikëses, ndërkohë që për disa orë rruga u bllokua.

Policia e cila mbëriti menjëherë në vendin e ngjarjes po heton rreth shkaqeve të aksidentit të rëndë.