Planeti ynë ka humbur në çdo sekondë sipërfaqe pyjesh sa një fushë futbolli gjatë vitit 2017.
Sipas të dhënave të mbledhura nga një vëzhgim përmes satelitit, sipërfaqja e shpyllëzuar vitin e kaluar është sa ajo e Italisë. Shpyllëzimi, i cili në masën më të madhe është bërë në mënyrë të paligjshme, përbën një kërcënim të madh për ndryshimet klimatike dhe shfarosjen e jetës së egër.
Sipas Global Forest Watch, gjatë vitit 2017, planeti ka humbur 29.4 hektarë pyje, shifra e dytë më e lartë që prej nisjes së monitorimit në vitin 2001.
Shpyllëzimi është një kontributor i madh në rritjen e nivelit të gazeve të karbonit, që shtojnë ngrohjen globale.
Ekspertët thonë se shkak për shpyllëzimin po bëhet prerja e pemëve për ta shfrytëzuar sipërfaqen e tyre për prodhimin e mallrave për qëllime tregtare. Shumica e këtyre shpyllëzimeve janë të paligjshme dhe fshehin pas afera korruptive.
Shkaqe të tjera janë zjarret, që zakonisht shfaqen në lartësitë e mëdha dhe lidhen direkt me ndryshimet klimatike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
