Lideri koreanoverior, Kim Jong Un, i ka dërguar një letër falenderimi për përpjekjet energjike dhe të jashtëzakonshme të president për të përmirësuar marrëdhëniet mes dy vendeve. Një kopje e letrës bashkë me përkthimin në anglisht u publikua në Tuiterin e Trump-it. Letra mban datën 6 korrik, kohë kur sekretari i Shtetit, Mike Pompeo po vizitonte Korenë e Veriut. Kim nuk u takua me Pompeon dhe raportimet nga udhëtimi treguan se nuk vajti mirë.
Në letër, Kim falënderon Trump për punën e tij “në implementimin me besnikëri të deklaratës së përbashkët”, duke iu referuar dokumentit të nënshkruar nga të dy liderët kur u takuan në Singapor në qershor.
“Besoj fuqishëm se vullneti i fuqishëm, përpjekjet e sinqerta dhe qasja unike e imja me Shkëlqesinë Tuaj, Zoti President që synon të hapë një të ardhme të re mes Koresë së Veriut dhe SHBA-së me siguri do të realizohet”, thuhet në letër, ku theksohet se ka pasur një progres epokal në përmirësimin e lidhjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
