Kuvendi ka mbledhur këtë të enjte konferencën e kryetarëve, në të cilën është diskutuar rreth propozimit të kreut të grupit të partisë socialiste Gramoz Ruci për zgjedhjen e presidentit.
Kështu, konferenca e kryetarëve ka marrë parasysh propozimin për nisjen e procedurave brenda afateve ligjore. Çka do të thotë se raundi i parë i votimit për zgjedhjen e Presidentit të ri, sikundër thotë propozimi i Ruçit, duhet të nisë më 19 prill.
Kushtetuta përcakton se janë pesë raunde për zgjidhjen e Presidentit. Në tre raundet e para kërkohet një shumicë prej 3/5, 84 vota, ndërsa në dy raundet e dyta presidenti mund të zgjidhet me 71 vota. Raundet nga njëri tjetri duhet të zhvillohet brenda 7 ditëve, që do të thotë se Presidenti i ri i Republikës në muajin maj do të jetë votuar nga Kuvendi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
