Meka: Investimet e huaja janë më shumë se dërgesat e remitancave

Për ekspertin e ekonomisë Elvin Meka, vendet e varfra ndodhen nën një presion demografik dhe kjo bën që remitancat e emigrantëve të jenë të larta.

Nga studio e “MCN Economy”, ai deklaroi se Shqipëria ka një trend të përmbysur, pasi investimet e huaja janë më shumë se dërgesat e remitancave.

Por sipas tij, Shqipëria mban pak a shumë të njëjtin nivel të sjelljes së remitancave dhe kjo prej largimit të të rinjve kryesisht pas pandemisë së Covid, ku u pa një fluks i shtuar i emigrantëve shqiptarë.

Ofertën gjithmonë të gatshme në vendet e varfra dhe vendet në zhvillim për të çuar fuqi punëtore në vendet me të ardhura të larta, e gjej të vazhdueshme.

Përderisa fluksi i dërgesave ose qëndron konstant ose shënon rritje, Shqipëria mban pak a shumë të njëjtin nivel të sjelljes së remitancave.

Për tu diferencuar, është që në raport me vendet e varfra, të Afrikës apo Azisë, Shqipëria ka një diferencë pasi nëse 15 apo 20 vjet më parë, nëse kishim kulmin e emigracionit.

Për fat të mirë Shqipëria ka një trend të përmbysur, pasi investimet e huaja janë më shumë se dërgesat e remitancave.

Me rritjen e vazhdueshme të PBB, roli i tyre në ekonomi do vazhdojë dhe të bjerë.

Ka rënë, nuk është një fenomen që ka peshën e vetë, në ndihmesën shtesë të moshës së tretë, pa përjashtuar dhe faktin që ka familje që jetojnë nga dërgesat e emigrantëve.

Por koefiçienti i varësisë do vijë gjithmonë duke u zbehur se edhe politika integruese e Shqipërisë drejt vendeve të Bashkimit Europian dërgesat që do të vijnë nga vendet brenda bllokut, nuk do të konsiderohen më.

Remitancat do të vlerësohen vetëm jashtë vendeve të BE-së. Mbi 85-90% e remitancave vijnë nga vendet e Bashkimit Europian.

Në një moment të caktuar Shqipëria do të dalë nga ajo listë, madje do kalojë në listën e vendeve me të ardhura të mesme dhe të larta.

Shqipëria do të bëhet një vend pranues i emigrantëve. Shqipëria do të kalojë në një vend importues të fuqisë punëtore dhe eksportuese parash.