Prokuroria e Fierit ka shpallur moskompetencën për dosjen hetimore ndaj kompanisë “Bankers Petroleum” dhe e ka kaluar çështjen për ndjekje të mëtejshme në SPAK, pasi janë konstatuar elementë të grupit të strukturuar kriminal dhe vjedhje të shumave të konsiderueshme financiare.
Gazetarja Ola Xama, e ftuar në emisionin “Të Paekspozuarit” në MCN TV, deklaroi se nëse kjo aferë hetohet siç duhet, mund të ketë përmasa edhe më të mëdha sesa çështja e famshme e inceneratorëve.
Nëse prokuroria e heton siç duhet këtë çështje, ajo është akoma më e madhe se vetë inceneratorët.
Jo për nga numri i të përfshirëve, por për nga efekti që ka në treg.
“Bankers Petroleum” ka pasur një ndikim të madh ekonomik dhe është e lidhur me disa nga kompanitë më të mëdha që operojnë aktualisht në Shqipëri në fushat e karburanteve dhe ndërtimit.
Bankers është kompania që ka mbështetur dhe ngritur disa nga firmat më të mëdha në tregun shqiptar. 4-5 kompani që kanë qenë nënkontraktorë të saj, sot janë ndër më të fuqishmet në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
