PD kallëzon në SPAK pesë ish-funksionarë për përdorimin e vulës dhe simboleve të PD

Partia Demokratike ka bërë të ditur se ka kallëzuar sot në SPAK përfaqësues të lëvizjes Berisha për fallsifikimin e vulës së PD.

Ata janë deputetët Belind Këlliçi, Edmond Spaho, Albana Vokshi, si dhe Ivi Kaso, Ervin Minarolli.

Sipas njoftimit për media, bëhet fjalë për veprën penale të “Falsifikimi i vulave, i stampave ose i formularëve” i kryer në bashkëpunim, parashikuar nga Neni 190 paragrafi i 2 dhe 25 i Kodit Penal.

Në kallëzim drejtuar SPAK-ut thuhet se këta janë persona që kanë patur funksione në PD, kanë dijeni për rregullat e statutit, dhe e kanë kryer veprën penale të përdorimit të vulës dhe simboleve për të realizuar qëllimet e tyre, pavarësisht se ishin në dijeni të pasojave ligjore.

 PD e ka depozituar kallëzimin në SPAK, pasi tre nga të kallëzuarit janë deputetë të Kuvendit të Shqipërisë.