Moti sot, relativisht i paqëndrueshëm, temperaturat deri në 34°C

Shqipëria parashikohet të jetë sot nën ndikimin e masave ajrore relativisht të paqëndrueshme.

Moti parashikohet me alternime kthjellimesh dhe vranësira, këto më të përqendruara përgjatë Ultësirës Perëndimore dhe zonave malore.

Në mesditë vranësirat do të pasohen nga reshje lokale shiu përgjatë relieveve malore në lindje dhe juglindje të vendit.

Era me drejtim veriperëndim me shpejtësi 1-8m/sek.

Temperaturat parashikohen me rritje në vlerat minimale dhe rënie në vlerat maksimale.

Më konkretisht:

vendet malore 16°C deri në 27°C

vendet e ulëta 20°C deri në 34°C

vendet bregdetare 18°C deri në 32°C