Ngjarja e ndodhur mëngjesin e sotëm në Babrru, ku një fëmijë 2 vjeç, vdiq mes flakëve që përfshinë banesën ku jetonte, ka tronditur banorët e lagjes Shpat.
Dy fëmijë të mitur ndodheshin vetëm në shtëpi në momentin që ra zjarri. Zjarrfikësit mundën të nxirrnin të gjallë vetëm njërin prej tyre.
Gjyshja e fëmijëve, Drita Lami, tregon se gjendja ekonomike e familjes ishte e rëndë. Ata jetonin në një barakë në kushte të këqija, ndërsa dy prindërit mblidhnin kanaçe për të siguruar bukën e gojës.
“Ngjarja ndodhi rreth orës 8:00. Shkak u bënë flakët e nisura nga rezistenca e lënë ndezur për të ngrohur fëmijët. Baraka mori flakë menjëherë. Ata jetonin në kushte të këqija. Prindërit dilnin për të mbledhur kanaçe”, tregon ajo për “Orën”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
