Sulmet ruse në Ukrainë e kanë detyruar Estoninë të ndalojë tubimet publike për 9 majin, Dita e Fitores. 9 maji festohet kryesisht nga popullsia ruse për të kremtuar fundin e Luftës së Dytë Botërore.
“Shteti estonez deri më tani ka qenë tolerant ndaj ngjarjeve të 9 majit, por aktivitetet aktuale të Rusisë në Ukrainë përjashtojnë tubimet publike në Estoni, që shprehin mbështetje për shtetin agresor dhe shfaqin simbole lufte”, tha të mërkurën shefi i policisë dhe rojeve kufitare, Elmar Vaher.
Ndërkaq, janë ndaluar flamujt e Bashkimit Sovjetik dhe Rusisë, uniformat ushtarake sovjetike dhe shiritat portokalli dhe të zinj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
