Të shtëna me armë zjarri në metro në New York. Një burrë mbeti i vrarë dhe të paktën pesë persona të tjerë, përfshirë dy shumë të rinj, u plagosën në stacionin Mount Eden, në Bronx.
Të shtënat, të cilat ndodhën në orën 16:40 me orën lokale, 23:40 me orën tonë, u shënuan kur metroja ishte shumë e mbushur me njerëz dhe lidhen me një përleshje që filloi në bordin e një treni dhe më pas degjeneroi në platformën e stacionit. Vrasësi arriti të arratisej.
Viktima u godit në fytyrë dhe ndërroi jetë rrugës për në spitalin St Barnabas.
Disa dëshmitarë raportuan se kishin dëgjuar të paktën dhjetë të shtëna. Disa nga të plagosurit ishin kalimtarë të rastit të cilët nuk janë përfshirë në sherr dhe që ndodheshin thjesht në platformë në momentin e të shtënave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
