Keanu Reeves thotë se ka qenë i martuar me Winona Ryder për gati 30 vjet

Keanu Reeves thotë se, falë një skene në filmin "Dracula" të vitit 1992, ai ka qenë i martuar me aktoren Winona Ryder për 29 vitet e fundit.

Në skenën e filmit të drejtuar nga Francis Ford Coppola, personazhet e Reeves dhe Ryder martohen në një ceremoni fetare.

“Ne bëmë një ceremoni martese me priftërinj të vërtetë. Pra, mendoj se jemi të martuar nën sytë e Zotit”, tha Reeves për Esquire në një video të publikuar të hënën.

Ky ishte në fakt vetëm një konfirmim në emër të Reeves, sepse Ryder ishte në fakt e para qe foli për ceremoninë e tyre.

"Ne në fakt ne u martuam në filmin "Dracula", tha Ryder për Entertainment Weekly ndërsa ajo dhe Reeves po flisnin për filmin e tyre të vitit 2018 "Desination Wedding".

“Jo, të betohem në Zot, mendoj se jemi të martuar në jetën reale,” vazhdoi Ryder. “Në atë skenë, Françesku përdori një prift të vërtetë rumun. Ai i bëri të gjitha ritet, pra mendoj se jemi të martuar.”