FBI-ja do të jetë pjesë e ekipit të hetuesve ndërkombëtarë për zbardhjen e shpërthimit të 4 gushtit në Bejrut. Nënsekretari amerikan për Çështje Politike, David Hale, tha se FBI bëhet pjesë e hetimit me ftesë të autoriteteve të Libanit.
“FBI-ja do t’iu bashkohet shumë shpejt hetuesve libanezë dhe atyre ndërkombëtarë, me ftesë të Libanit, në mënyrë që të ndihmojmë në gjetjen e përgjigjjeve për pyetjet që e dimë se të gjithë i kanë rreth kushteve që kanë nxitur këtë shpërthim”, ka thënë Hale.
Shpërthimi i 4 gushtit në kryeqytetin e Libanit shkatërroi një lagje të tërë, la të vdekur më shumë se 170 persona dhe plagosi më shumë se 6 000 të tjerë. Si pasojë e shpërthimit, rreth 300 000 persona besohet se kanë mbetur të pastrehë.
Ngjarja rriti zemërimin te qytetarët libanezë, në vendin që po përballet me krizë ekonomike dhe pandeminë e Covid-19.
Deri tani, si shkak i shpërthimit është cilësuar një sasi prej 2 750 tonë nitrat amoni, që është ruajtur në portin e Bejrutit për gjashtë vjet në mënyrë të pasigurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
