Policia Kufitare e Kapshticës ka ndaluar një kamion i cili po transportonte tuba plastikë, por pas kontrollit nuk ishte ashu siç dukej, pasi, në të vërtetë brenda tyre ishte fshehur lëndë narkotike plot 71 kg.
Kamioni i markës “SCANIA” me targa AA273DY dhe rimorkio me targë TR0148K është ndaluar sot në Kapshticë dhe në pranga ka rënë drejtuesi i kamionit, Qani Mançe, 60 vjeç, banues në Tiranë.
Plot 99 tuba plastikë ishin të mbushur me lëndë narkotike të presuar. Kamioni iu nënshtrua kontrollit në vijën e dytë pas dyshimeve se mund të transportonte lëndë narkotike
Në përfundim të veprimeve të para hetimore, specialistët e Seksionit për Narkotikët, në Drejtorinë Vendore të Policisë Korçë, kanë bërë peshimin e lëndës narkotike së bashku me tubat plastikë ku në total pesha e tyre rezultoi 71 Kg.
Materialet për hetime të mëtejshme i kaluan Prokurorisë së Krimeve të Rënda, Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
