Presidenti Recep Tayyip Erdoğan iu përgjigj ashpër deklaratës së shefit të politikës së jashtme në BE, Joseph Borrell, i cili pak ditë më parë iu referua Evropës si një "kopsht" dhe pjesës tjetër të botës si "e egër".
Duke folur në MÜSIAD Expo 2022 në Stamboll, Erdogan tha: "Ne nuk presim që ata që kryejnë kolonializëm duke përdorur mënyra dhe metoda të reja, të kenë një qëndrim të ndërgjegjshëm ndaj krizave".
Erdogan i referohej komenteve të fundit nga shefi i politikës së jashtme të Bashkimit Evropian, Josep Borrell, i cili e quajti Evropën "një kopsht" dhe pjesën më të madhe të botës një "xhungël" që "mund të pushtonte kopshtin" gjatë një fjalimi në tetor.
“Kopshtarët duhet të kujdesen për kopshtin, por ata nuk do ta mbrojnë kopshtin duke ndërtuar mure. Një kopsht i bukur i vogël i rrethuar me mure të larta për të parandaluar hyrjen e xhunglës nuk do të jetë zgjidhje. Sepse xhungla ka një kapacitet të fortë rritjeje dhe muri nuk do të jetë kurrë mjaftueshëm i lartë”, tha Borrell.
"Kopshtarët duhet të shkojnë në xhungël. Evropianët duhet të jenë shumë më të angazhuar me pjesën tjetër të botës. Përndryshe, pjesa tjetër e botës do të na pushtojë," tha ai.
Në një konferencë të mëvonshme për shtyp, Borrell mohoi se mesazhi i tij ishte racist apo kolonialist, njoftoi agjencia e lajmeve EFE. Komentet kishin për qëllim të refuzonin idenë e "Evropës së fortesës" dhe të inkurajonin studentët të angazhoheshin me botën, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
