Këtë javë do të tentohet zhbllokimi i nyjës rreth marrëveshjes eventuale të koalicionit mes Lëvizjes Vetëvendosje dhe Lidhjes Demokratike. Që prej konstituimit të Kuvendit, zyrtarisht nuk ka pasur ndonjë takim mes zyrtarëve të këtyre subjekteve, teksa dakordimet e deritashme kanë rënë në ujë.
Në Vetëvendosje nuk kanë treguar nëse ka pasur një ofertë tjetër për LDK-në dhe se kur do të ndodhë takimi i radhës.
Pas refuzimit të të tria ftesave lideri i Lëvizjes Vetëvendosje, Albin Kurti, gjatë ditës së sotme pritet të takohet me presidentin e Kosovës Hashim Thaçin për t’u konsultuar për caktimin e mandatarit të ri për kryeministër. Kurti te Thaçi do të shkojë pa marrëveshjen e koalicionit me LDK-në për qeverinë e re, për arritjen e së cilës po bëhen përpjekje tash e tre muaj.
Sot lideri i Lëvizjes Vetëvendosje Albin Kurti do të takohet me presidentin e vendit Hashim Thaçin për t’u konsultuar për caktimin e mandatarit të ri për kryeministër. Ky takim, i paraparë të mbahet në orën 15:00, vjen pas tri ftesave të Thaçit të refuzuara tashmë nga ana e Kurtit.
Pas caktimit të mandatarit, ashtu siç e thotë Kushtetuta e Kosovës, Lëvizja Vetëvendosje në këtë rast ka 15 ditë afat që Kuvendit t’ia paraqesë kandidatin për kryeministër dhe përbërjen e qeverisë së re.
Ndërkaq sot LDK-ja do ta mbledhë Kryesinë e partisë dhe Grupin Parlamentar të partisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
