Ka përfunduar takimi i ambasadores Kim me disa nga deputetët e opozitës parlamentare, të cilët ishin thirrur për të dhënë mendimin e tyre në lidhje me marrëveshjen e arritur për Reformën Zgjedhore.
Deputetët e opozitës ishin shprehur kundër kësaj marrëveshje, nëse kushtet e tyre nuk plotësohen.
Deputeti i opozitës në Kuvend, Myslym Murrizi në dalje të takimit me ambasadoren Yuri Kim, deklaroi se 39 votat e opozitës parlamentare nuk do të jenë pro Reformës Zgjedhore që u dakordësua dje nga të gjitha palët në Kuvend. Murrizi tha se opozita në Kuvend kërkon lista të hapura, garantimin e votës së emigrantëve dhe administratë zgjedhore, ose nuk voton.
“Kërkojmë lista të hapura, në të kundërt 39 votat tona në Kuvend s’janë për reformën. I thamë nuk votojmë asnjë lloj pazari. Do të votojmë kundër Reformës në Parlament. Nuk e mora vesh se çfarë kërkoi ambasadorja, nuk i lamë hapësirë kërkesave të saj. Nuk votojmë asgjë jashtë asaj që kemi kërkuar për 15 muaj, Listat e hapura, administrata zgjedhore dhe votat e emigrantëve janë kërkesat tona”, tha Murrizi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
