Ndërkohë që rastet e poliomielitit po rriten me një ritëm alarmues në Pakistan, kryeministri i vendit Imran Khan ka nisur sot një fushatë kombëtare për të zhdukur sëmundjen me qëllim vaksinimin e rreth katër milionë fëmijëve deri në pesë vjeç.
Me katër rastet e fundit të raportuara dje në provincën veriperëndimore të Khyber Pakhtunkhwa, numri i përgjithshëm i pacientëve që nga fillimi i vitit arriti në 98.
Gjatë një ceremonie në Islamabad, Imran Khan theksoi se Pakistani është një ndër dy vendet e vetme në botë, së bashku me Afganistanin, ende i prekur nga sëmundja, duke e quajtur problemin "një shkak për turp". Ai u kërkoi nënave që të sillnin vetë fëmijët e tyre në qendrat e vaksinimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
