Policia në qytetin gjerman të Löhne-s ka marrë në pyetje një një familje refugjatësh libanezë, pasi fotoja e vajzës së tyre 8-vjeçare u publikua në shpock.com, një faqe shitjesh online, për një çmim prej 45 mijë dollar.
Aplikacioni është një platformë ankandi, të cilën e përdorin kryesisht njerëzit që duan të shesin dhe të blejnë shpejt në zonat jo shumë larg vendit ku banojnë.
Një prej përdoruesve vuri në dijeni policinë për njoftimin e dyshimtë që hasi mes njoftimeve për shitje biçikletash, rrobash të përdorura dhe pajisjeve shtëpiake.
Policia zbuloi se vajza ishte një refugjate që jeton në Löhne së bashku me familjen e saj prej 2 vitesh.
Policia konfiskoi të gjitha pajisjet që kanë akses në internet si dhe mori në pyetje fëmijët e familjes, 3, 8 dhe 12 vjeç.
Vetë 8-vjeçarja ka thënë se ishte ideja e saj nxjerrja e vetes në shitje, por policia ka dyshime rreth kësaj për shkak të çmimit. Agjentët thonë se një vogëlushe 8-vjeçare vështirë ta kuptojë vlerën e parave kaq mirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
