Sulmi ajror i kryer nga Shtetet e Bashkuara të Amerikës në maj të vitit të kaluar, për të cilin autoritetet amerikane raportuan fillimisht se kishte çuar në vrasjen e një lideri të Al Qaedës, ka vrarë një civil, një bari 56-vjeçar pa lidhje me organizatat terroriste aktive në rajon.
Kjo vërtetohet nga një hetim i brendshëm i kryer nga Komanda Qendrore e Shteteve të Bashkuara të Amerikës (Centcom), përfundimet e të cilit raportohen nga Washington Post.
Vitin e kaluar, gazeta amerikane ishte e para që shkroi se sulmi i kryer me dron Predator çoi në vdekjen e një civili dhe jo të një lideri të Al Qaedës.
Ngjarja ndodhi më 3 maj 2023 në fshatin Qorqanya, në Sirinë Veri-Perëndimore, ku 56-vjeçari Lotfi Hassan Misto po kujdesej për kafshët e tij kur u vra nga një raketë Hellfire e lëshuar nga një dron Predator.
Sipas hetimeve të Pentagonit, forcat amerikane përcaktuan fillimisht se ai ishte terrorist dhe vendosën ta neutralizonin.
Por informacioni i ri zbuloi se lideri i Al Qaedës arriti të arratisej dhe vijon të jetë ende i lirë.
“Hetimi përcaktoi se forcat amerikane ngatërruan një civil me udhëheqësin e Al Qaedës që po vëzhgonin dhe se njeriu u vra në operacion”, thuhet në përmbledhjen e dokumentit, në të cilin Misto identifikohet me emër për herë të parë.
Hetimet, nisën më 18 mars 2023, dy javë pas aksidentit, i cili nxori në dritë disa fusha në të cilat mund të përmirësohemi.
Jemi të vendosur të mësojmë nga gabimi ynë, duke përmirësuar procedurat minimizoni përfshirjen e civilëve gjatë operacioneve.
Hetimet u kryen nga një gjeneral amerikan me ndihmën e 10 ushtarëve dhe zyrtarëve të tjerë, të cilat përfshijnë dëshminë e të paktën 40 dëshmitarëve dhe përfunduan nëntorin e kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
