Gazetari Elvi Fundo në një lidhje skype me emisionin ‘Të Paekspozuarit’ në MCN TV ka komentuar dosjen 5D për të cilën u shpreh se ajo është nga dosjet pasi ka dhe shumë të tjera.
Ai tha se grada ka ndryshuar tashmë nga nivel piktori në nivel skulptori, ndërsa theksoi se plus që kanë marrë paratë e bashkisë kanë vjedhur dhe fondet e IPARD.
Sipas tij kjo është një skemë shumë e madhe korrupsionidhe Veliaj është personi direkt përgjegjës, ka qenë në dijeni dhe madje dhe i ka mbrojtur.
"Kanë ndryshuar gradat, nga piktori (Rama) kemi kaluar te skulptori (Veliaj). Shumica e drejtorëve të bashkisë janë me kompani. 5D është vetëm njëra nga kompanitë. Janë të gjithë me nga një kompani dhe të fshehur nëpër kompani. Disa SPAK i di dhe disa po gjenden.
Le të japim fakte dhe emra.
TE 5D ka ndodhur edhe skandal tjetër, shpallej fituesi, zhvillohej gara, nuk fitonte 5D, thërrisnin kompaninë thoshin do merrni 10% por punimet, do ti jepni me nënkontraktorë. Atje është më shumë se një grup i strukturuar kriminal.
Është rasti i Elvin Tivarit, që del me kompani dhe skema të tjera. Janë kompani të vëllait të zotit Tusha, që ndodhet në arrest për çështjen e inceneratorëve dhe të çështjes 5D. Vëllai ka ndërtuar kompani pas vitit 2018. Përshembull del se vetëm nga fondet e IPARD, zotëria ka fituar 200 mijë euro për agroturizëm në Tiranë. Ka shkuar deri te aksionet ne Rrapos Resort, etj.
Janë këta drejtorët e bashkëpronësisë, kanë futur 5D në tenderat e rikontruksionit. Më del një Thomadha, Agroturizëm që e ka Auren Cuko, drejtor i Erion Veliaj. Kanë marrë edhe fondet e BE këta.
Janë edhe zyrtarë të tjerë të bashkisë, po verifikohet një kompleks në Mjullë, Bathore, që dyshohet se janë dy drejtorë.
Po verifikohet edhe Arli Naska. Erion Veliaj në dijeninë time, ka qenë në dijeni sepse kompanitë kanë bërë ankesa.
Ajo që ka nxjerrë SPAK është një pjesë e dosjes, nuk çon të gjithë dokumentat në gjykatë SPAK. Gjykata nuk ka dhënë masa të plota sigurie, sepse gjyqtarja i ka zbutur disa. Të njëjtët emra janë emra që kanë lidhje me inceneratorët.
Mbani mend kontratën 60 milionë euro për dherat, në ato kohë drejtohej nga Mariglen Qato. Ky grupi i strukturuar kriminal i skulptorit (Veliaj), ka qarkulluar në të gjithë drejtoritë. Janë me biznese që qarkullojnë dhjetëra miliona euro. Në total shkojnë afërsisht se inceneratorët.
Kryetari i Bashkisë është personi direkt përgjegjës. Ka letra që ka ankimime nga kompanitë. Ka qenë në dijeni që këta drejtorë, drejtues të shtabit elektoral, kanë qenë pjesë e komisionit të vlerësimit të ofertave, jepnin tendera vetes.
Ka patur ankimime, ku subjektet janë ankimuar dhe Veliaj ka qenë në dijeni për gjithçka. Ka tentuar edhe ti mbrojë,
Mediat e tij prej katër ditësh nuk bëjnë atë zhurmën që bënë me drejtorin e Ballukut, ka tentuar ti mbrojë. Erion Veliaj është person nën hetim.
Kryetari i Bashkisë është edhe më përgjegjës se ministri, sepse është administrator. Standardi i dyfishtë, që arrestohen për kanalet kryetarë bashkie...
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
