Ndahet nga jeta politikani i njohur italian Franco Frattini, i cili mbante detyrën e Presidentit të Këshillit të Shtetit.
Ai ndërroi jetë mbrëmjen e djeshme në moshën 65-vjeçare në spitalin “Gemelli” të Romës, ku ishte shtruar pasi vuante prej kohësh nga kanceri.
Frattini ka drejtuar ministrinë e Jashtme të shtetit fqinj nga viti 2002 deri në vitin 2004 dhe atë të Shërbimit Civil nga viti 2004-2008, në qeveritë e Silvio Berlusconit.
Po ashtu ka qenë deputet nga në parlamentin italian nga viti 1996 deri në 2004, për t’u rikthyer më tej nga viti 2008 deri në vitin 2014.
Në tetor të vitit 2018, Presidenti shqiptar i asaj kohe Ilir Meta e vlerësoi Frattinin me dekoratën “Gjergj Kastrioti Skënderbeu”.
Po në të njëjtin vit Frattini u shpall qytetar nderi nga kryebashkiaku i Tiranës, Erion Veliaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
