Numri i viktimave të protestave në Iran ka arritur në 143, sipas “Amnesty International”, e cila u bën thirrje ndërkombëtarëve që të denoncojnë "përdorimin e qëllimshëm të forcës vdekjeprurës nga forcat iraniane të sigurisë". Sipas raporteve të besueshme të marra nga organizata, numri i personave të vrarë është 143. Vdekjet janë shkaktuar pothuajse të gjitha nga armë zjarri, një burrë vdiq pasi thithi gaz lotsjellës dhe një tjetër pasi u rrah.
“Amnesty International” beson se numri i vdekjeve është më i lartë dhe po vazhdon hetimet, siç edhe e shpreh në deklaratën e saj.
“Reagimi i kujdesshëm i bashkësisë ndërkombëtare për vrasjet e protestuesve është për fat të keq i papërshtatshëm. Unë i dënoj me forcë këto vrasje. Përdorimi i forcës për të shtypur manifetuesit është i pajustifikuar", nënvizoi Philip Luther, përgjegjës për Lindjen e Mesme dhe Afrikën e Veriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
