Mot i keq në Afganistan, përmbytjet shkaktojnë qindra të vdekur

Moti i keq në Afganistan ka shkaktuar qindra viktima, ndërsa mijëra shtëpi janë shkatërruar.

Reshjet e pazakonta të dendura sezonale kanë shkaktuar përmbytje të papritura, veçanërisht në verilindje të vendit, duke shkaktuar vdekje dhe shkatërrime.

Aktualisht sipas mediave ka më shumë se 300 viktima, sipas të dhënave nga WFP (Programi Botëror i Ushqimit), ndërsa për autoritetet talebane numri, megjithëse i përkohshëm, është “131 vdekje dhe më shumë se qindra të plagosur”.

Pas reshjeve balta ka mbuluar thuajse një pjesë të konsiderueshme të vendit.

Shirat e rrëmbyeshëm shkaktuan dëme të mëdha në Baghlan, Takhar dhe Badakhshan, si dhe në provincat perëndimore Ghor dhe Herat, thanë zyrtarët, në një vend të mbërthyer nga varfëria dhe shumë i varur nga bujqësia.

Afganistani, i cili kishte një dimër relativisht të thatë, duke e bërë më të vështirë për tokën thithjen e reshjeve është shumë i prekshëm ndaj ndryshimeve klimatike.

Kombi, i shkatërruar nga katër dekada lufte, është një nga më të varfërit në botë dhe sipas shkencëtarëve, një nga më të përgatiturit për të përballuar pasojat e ngrohjes globale.