Administrata e Bashkisë Shkodër do të dalë në punë këtë fundjavë. E gjitha kjo vjen pas një urdhri të paprëcedentë të kryebashkiakes Voltana Ademit e cila praktikisht detyron Bashkinë të punëojë edhe të shunën dhe të dielën.
Kjo fundjavë përkon edhe me ditën e heshtjes zgjedhore dhe 30 qershorin që është dita që pritet të zhvillohen zgjedhjet vendore.
Në urdhër përcaktohet edhe fasha e orarit që administrata duhet të jetë në punë, dhe është nga ora 07:00 e mëngjesit deri në 19:00.
Në dokumentin e firmosur nga Ademi theksohet se ky urdhër është lëshuar për zbatimin e dekretit të Presidentit Ilir Meta për anulimin e zgjedhjeve të 30 qershorit.
Urdhri i plotë:
"Mbështetur në Ligjin 139/2015 "Për vetëqeverisjen vendore", Rregulloren e Bashkisë Shkodër dhe në zbatim të Dekretit të Presidentit të Republikës së Shqipërisë, Nr.11199, datë 10.06.2019 "Për shfuqizimin e Dekretit nr 10298 datë 05.11.2018 të Presidentit së Republikës së Shqipërisë "Për caktimin e datës së zgjedhjeve për organet e qeverisjes vendore".
Urdhëroj:
1) Caktimin e ditës së shtunë dhe të dielë si ditë pune për të gjthë punonjësit e administratës, njësive Administrative dhe institucioneve në varësi të Bashkisë Shkodër nga ora 07:00 deri në 19:00.
2) Organizimi i punës të përcaktuar nga secila drejtori dhe institucion.
Ngarkohen të gjithë punonjësit e Administratës së Bashkisë Shkodër, Njësitë Administrative (Velipojë, Bërdicë, Gur i zi, Dajç, Rrethina, Ana e Malit, Shalë, Shosh, Pult, Postribë) Institucionet e Varësisë, (Drejtoria e Shërbimit Bujqësor dhe Pyjor, Sportklub Vllaznia, Drejtoria Ekonomike e Kulturës, Drejtoria Ekonomike Arsimit, Teatri Migjeni, Drejtoria Cerdhe Kopshte).
3) Ky urdhri hyn në fuqi menjëherë."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
