Në përputhje me vendimin e shpallur pak ditë më parë nga Presidenti i Shteteve të Bashkuara të Amerikës, Donald Trump, Javier Milei ka vendosur të tërheqë Argjentinën nga Organizata Botërore e Shëndetësisë.
Lajmin e ka bërë zëdhënësi i Presidentit argjentinas, Manuel Adorni.
Gjatë një konference për mediat në Casa Rosada, kritika të ashpra erdhën nga Buenos Aires për menaxhimin e agjencisë së Kombeve të Bashkuara gjatë pandemisë së koronavirusit.
Presidenti Javier Milei ka udhëzuar ministrin e Jashtëm Gerardo Werthein të tërheqë Argjentinën nga OBSH.
Vendimi bazohet në mosmarrëveshjet e thella në lidhje me menaxhimin e shëndetësisë gjatë pandemisë së Covid-19, e cila, së bashku me qeverinë e Alberto Fernandez, çuan në bllokimin më të madh në historinë e njerëzimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
