Kongresmeni i Miçiganit, Tim Walberg, beson se Uashingtoni nuk duhet të harxhojë para për ndihmën humanitare për civilët në Gaza ose Ukrainë, dhe në vend të kësaj të fokusohet në mbështetjen e përpjekjeve luftarake të Izraelit dhe Kievit, për të arritur fitore "të shpejta" .
Walberg i bëri komentet e tij gjatë një takimi me anëtarët e publikut në Dundee, Michigan javën e kaluar.
Në një video të postuar në mediat sociale më 25 mars, kongresmeni republikan kritikoi politikat e Presidentit Joe Biden, duke i thënë një auditori të vogël se SHBA-ja duhet të shpenzojë më mirë paratë e ndihmës për Gazën për të mbështetur Izraelin, të cilin ai e etiketoi "aleatin më të madh të Uashingtonit , ndoshta, kudo në botë."
"Ne nuk duhet të shpenzojmë asnjë monedhë për ndihmën humanitare. Duhet të jetë si Nagasaki dhe Hiroshima. E njëjta gjë duhet të jetë edhe në Ukrainë. Mposhteni shpejt Putinin. Në vend që 80% në Ukrainë të përdoret për qëllime humanitare, duhet të jetë 80-100% për të zhdukur forcat ruse”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
