Gazetari Sokol Brahaj në një lidhje skype me MCN Live nga Turqia ka komentuar lidhur me motin e keq që ka përfshirë vendin atje ku deri tani raportohet për 9 viktima.
Ai tha se stuhitë dhe erërat e forta kanë përfshirë Stambollin, Izmirin, Ankaranë por dhe lindjen e Turqisë, ndërsa theksoi se zonat e përmbytura janë larg zonave të tërmetit.
Sipas tij, autoritetet janë vënë në kërkim dhe për gjetjen e trupave të ekuipazhit të një anije mallrash që u nda mëdysh si pasojë e stuhive të mëdha.
Deri tani kaq janë të konfirmuara, stuhia dhe era ka shkaktuar 9 viktima dhe në të njëjtën kohë po kërkohet të gjenden dhe jetët e humbura nga ekuipazhi i një anije mallrash me flamurin e Kamerunit e cila u nda mëdysh për shkak të stuhive të forta. Kushtet e motit të keq ne det lënë për të dëshiruar për gjetjen e trupave të tyre. Zonat e prekura janë nga Stambolli, Izmir, Ankara, por me borë dhe shi, stuhi ka qenë dhe lindja e Turqisë, po ashtu dhe jugu i saj.
Ka pasur reshje të mëdha shiu, përmbytje. Tani janë rikuperuar gjërat por në disa qytete jepet alarmi për të treguar kujdes për përmbytje. Në zonën e tërmetit ka rënë sërish një tjetër tërmet, por nuk është prekur nga moti i keq. Nga Stambolli deri në jug ajo e madhja që pritej ndodhi para dy ditësh ku ishte tamam ajo e quajtura kiameti. Tashmë përsëri në verilindje dhe veriperëndim të Turqisë ka situata me stuhi të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
