Në mbyllje të protestës-marshim të opozitës, kryedemokrati Sali Berisha i bëri thirrje Kryeministrit Edi Rama që të japë dorëheqjen, ose në të kundërt do të tërhiqet nga vala e protestuesve.
Duke folur nga selia e Partisë Demokratike ai deklaroi se, e sotmja ishte një betejë e shkëlqyer dhe garantoi se e radhës do jetë dhe më e shkëlqyer dhe se për Edi Ramën nuk do ketë më strofull dhe as vrimë miu ku do futet.
Sipas tij, kryengritja paqësore e shqiptarëve do u japë atyre ndëshkimin që meriton.
Berisha u zotua se nuk ka paqe në vend me ata të cilët kanë vjedhur dhe vjedhin si hijena pasuritë publike të shqiptarëve dhe pasurohen vetë dhe që përdorin ligjet dhe mandatet e krimit për të mbrojtur vjedhjet e tyre.
Me guximin, trimërinë, qëndresën tuaj nderuat më shumë se kurrë këtë datë historike të kombit shqiptar, përmbysjen e diktaturës komuniste 34 vite më parë. Por njëkohësisht i dhatë edhe goditjen më të merituar diktaturës së sotme.
Kjo ishte një betejë e shkëlqyer dhe u garantoj se tjetra do jetë dhe më e shkëlqyer dhe se për Edi Ramën nuk do ketë më strofull, nuk do ketë më vrimë miu ku do futet. Kryengritja paqësore e shqiptarëve do u japë atyre ndëshkimin që meriton.
Do ta çojë tek etërit e tij mizorë. Keni qenë të shkëlqyer, nuk di domethënë se si e nderuat kaq shumë sot 22 marsin. E tmerruat Edvin Kristaq Ramën.
Prandaj dhe ne le të zotohemi në këtë shesh se nuk ka paqe në këtë vend me ata të cilët kanë vjedhur dhe vjedhin si hijena pasuritë publike të shqiptarëve dhe pasurohen vetë. Përdorin ligjet dhe mandatet e krimit për të mbrojtur vjedhjet e tyre.
Qëndresa jonë, ndëshkimi ynë do të bjerë mbi ta dhe ata do përfundojnë në Lanë. Do përfundojnë në koshat e plehrave të historisë.
E patë vetë ju si e kishte rrethuar nga të katër anët me policë. Po ka rrethim që na pengon ne? Kurrë mo kurrë! Prandaj Edi Rama jep dorëheqjen sa më shpejt. Jep dorëheqjen se do të tërheqim ashtu siç s’ta pret mendja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
