Ministri i Turizmit dhe Mjedisit, Blendi Klosi është gjobitur me 5 mln lekë gjobë pasi shkeli masat anti Covid. Blendi Klosi u gjobit pasi organizoi takim në situatë pandemie
“Shërbimet e Policisë kanë ndëshkuar me masë administrative 5.000.000 lekë, shtetasin Blendi Klosi, përfaqësues i një subjekti politik, pasi ka organizuar një aktivitet duke grumbulluar persona, në kundërshtim me pikën 2 të nenit 3 të Aktit normativ Nr. 3 të datës 15.05.2020 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”, thuhet në njoftim.
Gjithashtu, shërbimet e Policisë kanë ndëshkuar me masë administrative 1.000.000 lekë, shtetasin K. H., pronari i subjektit, pasi ka lejuar zhvillimin e këtij aktiviteti në subjektin në pronësi të tij, në kundërshtim me Aktin Normativ.
Disa ditë më parë Policia e Shtetit nisi ndëshkimin e të gjithë atyre që organizojnë grumbullime në shkelje të masave anti-Covid. Vetëm në dy ditë, Policia ka firmosur 4 gjoba për aktivitete kryesisht të karakterit politik.
Gjobave të Policisë nuk i ka shpëtuar ish-deputeti i LSI-së, Endrit Braimllari, kryetari i Shoqatës “Durrësi Autokton”, Abdulla Deliallisi dhe Enkeljed Alibeaj, si dhe 3 pronarë dhe administratorë të ambienteve ku ata kanë organizuar aktivitetet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
