Maxhoranca dhe opozita dështuan të gjejnë sërish gjuhën e konsensusit për zgjedhjen e Presidentit të ri edhe në raundin e dytë.
Kësisoj Konferenca e Kryetarëve do të mblidhet mesditën e sotme për të caktuar datën e mbajtjes së raundit të tretë për zgjedhjen e Presidentit të ri.
Konferenca do të mbahet në orën 14:30 dhe vjen pas djegies së raundit të dytë.
Sot pritet të shihet nëse opozita do t’i besojë më maxhorancës dhe do të vazhdojë të bëhet pjesë e këtij procesi edhe për raundin e tretë.
Ky është raundi i vetëm i mbetur në dispozicion të opozitës, për të propozuar ajo kandidatin e saj për kreun e ri të shtetit, pasi për dy raundet e tjera, maxhoranca i ka numrat dhe mund ta zgjedhë e vetme Presidentin e ri.
Deri më tani, në Kuvend nuk është propozuar asnjë emër për President, duke bërë që dy votimet e para të cilësohen të kryera.
Në raundin e tretë, Kushtetuta përcakton se kreu i shtetit zgjidhet me shumicë të cilësuar, 84 vota.
Në raundin e katërt dhe të pestë, Presidenti zgjidhet me shumicë të thjesht, me 71 vota.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
