Moti i keq me reshje shiu dhe dëbore, që ka përfshirë vendin, ka sjellë problemet e para në Qarkun e Shkodrës.
Nga informacionet më të fundit nga Shkodra, raportohet se Kelmendi vijon të jetë pa energji elektrike prej dy ditësh, ndërsa fshati Okol është i bllokuar, pasi trashësia e dëborës arrin deri në 1 metër e gjysmë.
Në territorin e Prefekturës së Qarkut Shkodër kanë vazhduar reshjet e shiut, në zonat malore, kanë rifilluar reshjet e dëborës.
Nga sektorët EC të bashkive nuk raportohen probleme në infrastrukturë dhe komunitet.
Nga sektori EC bashkia M. Madhe informohemi se reshjet e shiut dhe dëborës në Nj.Ad. Kelmend vijojnë si më poshtë:
-Vermosh 15 cm dhe Qaf-Berdolecit 20cm – 30cm
-Në Qaf-Berdolecit vazhdon të punoj një fadrom e bashkisë çka bën që rruga të mos bllokohet nga reshjet e dëborës. Nj.Ad. Kelmend është pa energji elektrike prej 2 ditësh.
-Në Qafë Thore aksi rrugor është i kalueshëm deri në fshatin Okol, informohemi se dëbora arrin lartësinë deri në 1 metër e gjysmë.
Nga strukturat DRV informohemi se akset rrugore te DRV Shkodër janë të gjithë të qarkullueshëm pa probleme. Ka reshje shiu dhe reshje dëbore vetëm në aksin e Razmës ne lartësinë 950 m, rreth 2 cm.
Nga strukturat OSHEE informohemi se ekipet e terrenit kanë punuar deri në orët e vona por disa abonentë nuk kanë mundur të marrin energji elektrike mbrëmë, aktualisht është me defekt një segment i Vermoshit, një segment i Fiderit të Zagorisë, një segment i Vrakës dhe i një Fideri të Bajzës. Total rreth 700 abonentë.
Nga Drejtoria e Ujitjes dhe Kullimit Lezhë informohemi se nuk kemi rrezik përmbytje. Situata në monitorim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
