Papa Françesku ka anuluar aktivitetet e planifikuara gjatë ditëve të ardhshme pasi u shtrua në spital, njoftoi Vatikani.
Papa, i cili ka vuajtur nga bronkiti, u shtrua në spitalin Gemelli në Romë të premten pasi thuhet se kishte vështirësi në frymëmarrje gjatë një prej takimeve të tij.
Bazuar në analizat e kryera, nuk përjashtohet shtrimi në spital deri në pesë ditë. Para mbërritjes së Papës në spital, zyra e shtypit e Vatikanit njoftoi: “Në fund të audiencës, Papa do të shtrohet në spital për disa analiza të nevojshme diagnostike dhe për të vazhduar trajtimin për bronkitin që është ende në vazhdim në një mjedis spitalor”.
Papa, 88 vjeç, prej disa ditësh është i sëmurë. Më 12 shkurt, ai filloi të lexonte për publikun e përgjithshëm, por ndaloi menjëherë dhe ia dorëzoi tekstin një bashkëpunëtorit të tij për ta lexuar.
Vendimi për shtrimin në spital erdhi pas një mëngjesi pune dhe seancash në Casa Santa Marta.
Shtrimi i fundit i Papës në spital daton në qershor të vitit 2023 për kirurgji në zorrë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
