Një grua me një tabelë në duar kundër luftës, u shfaq gjatë një edicioni lajmesh në mbrëmje në televizionin rus, Channel 1, të kontrolluar nga shteti.
Në tabelën e dukshme pas prezantueses, shkruhej “Jo luftë, fund luftës, mos i beso propagandës, këtu po ju gënjejnë”.
Gruaja është Marina Ovsyannikova, e cila punon si redaktore në kanal dhe me tabelën në duar, shfaqi nota proteste kundër luftës në Ukrainë.
Zëri i saj mund të dëgjohej gjatë transmetimit duke thënë “Jo luftës! Ndalo luftën!”, përpara se drejtori i programit të fuste një raport lajmesh të regjistruar.
Para protestës Ovsyannikova regjistroi një video në të cilën ajo i quajti ngjarjet në Ukrainë “krim” dhe tha se i vinte turp të punonte për atë që ajo e quajti propagandë e Kremlinit.
Lajmet televizive ruse kontrollohen fort nga Kremlini dhe pasqyrojnë vetëm versionin rus të ngjarjeve në Ukrainë. Pas protestës së saj Ovsyannikova, u arrestua.
! Russia's main propaganda "news program" tonight. pic.twitter.com/lrRVnF8LoW
— Christo Grozev (@christogrozev) March 14, 2022
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
