Ambasadori amerikan, Greg Delawie, thotë se ratifikimi i Demarkacionit do të ishte pozitiv për të gjitha komunitetet që jetojnë në Kosovë prandaj duhet ta votojnë të gjithë deputetët e Kosovës, përfshirë edhe ata serbë. Kjo është edhe një formë të cilën ambasadori Delawie ka zgjedhur që t’i bind Listën Srpska ta votojnë demarkacionin.
Greg Delawie tregon rëndësinë që ka ratifikimi i Demarkacionit për të gjithë qytetarët e Kosovës, pa marrë parasysh se cilit komunitet i takojnë.
“Kalimi i Marrëveshjes së Demarkacionit është është esenciale për t’ua siguruar lëvizjëne lirë qytetarëve të Kosovës nga të gjitha komunitetet. Të gjithë mund të pajtohen për këtë dhe shpresoj që të gjithë deputetët e Kuvendit të votojnë pro”, ka shkruar Delawie në "Twitter".
Deklarata e Delawies vjen pasi mediat raportuan se Lista Srpska ka kusht që fillimisht të krijohet bashkësia e komunave serbe, e më pas të vije në rend dite Demarkacioni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
