Babai i Klodian Rashës, një ditë pas ngjarjes së rëndë ka folur për mediat duke kërkuar drejtësi për vrasjen e të birit. Rasha u shpreh mes lotësh se kjo fatkeqësi nuk duhet t’i ndodhë askujt, ndërsa priste që djalin ta martonte dhe jo ta përcilltë për në banesën e fundit.
“Apeli im është për drejtësi. Mos të na vrasin çdo minutë. Kërkojmë drejtësi nga shteti. Jo të më vritet djali te dera e shtëpisë. Çfarë polici mund të jetë ai. Unë nuk kam bërë komunikime të tjera. Shqetësimet i kemi ngritur. Është gjendje që nuk mund të shprehet. Djali ishte duke bërë llaç gjithë ditën. Doli natën për të blerë një paketë. Iku nga maska. Uroj që kjo mos t’i ndodhë askujt dhe unë pres për ta martuar dhe jo për ta varrosur”, është shprehur babai i 25-vjeçarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
