Presidenti turk, Rexhep Tajip Erdogan, ka thënë se bota po jeton në kohë të errëta duke kujtuar vitet që çuan në luftën e dytë botërore, ndërsa ai kritikoi vendimet e Donald Trump për t'u tërhequr nga marrëveshja bërthamore e Iranit dhe për të njohur Jerusalemin si kryeqytetin izraelit.
Duke e ofruar veten si zëdhënës i Lindjes së Mesme për myslimanët, ai kritikoi gjithashtu Evropën për të mos bërë aq sa Turqia të ndihmonte 3,5 milionë refugjatë sirianë, duke shtuar se BE nuk e kishte përmbushur pjesën e saj të një marrëveshjeje të refugjatëve me Turqinë pasi nuk kishte siguruar paratë që kishte premtuara.
Erdogan po fliste në Chatham House në Londër në ditën e dytë të një vizite shtetërore në Mbretërinë e Bashkuar. Ajo është kthyer në një pjesë të fushatës së tij zgjedhore si rezultat i vendimit të tij për të afruar datën e zgjedhjeve parlamentare dhe presidenciale turke me një vit dhe vendosi që ato të mbaheshin më 24 qershor, shkruan "The Guardian".
Theresa May, duke shqyrtuar një marrëveshje të tregtisë së lirë me Turqinë, si dhe bashkëpunimin e sigurisë rreth kthimit të luftëtarëve të huaj, ka marrë një bast strategjik mbi Turqinë, që ka çuar në kritika ndaj gatishmërisë së Konservatorëve për të lënë në pah rendin gjithnjë e më autoritar të Erdoganit në ndjekje të marrëveshje tregtare.
Në bisedimet e tij me May, Erdogan tregoi se ai ka gjasa të shtyjë Britaninë e Madhe për të bërë më shumë për t'i dorëzuar të gjithë të larguarit që ai i konsideron si të lidhur me grushtin e shteit që gati përmbysi qeverinë e tij në 2015.
Ai tha se SHBA kishte humbur rolin e saj si ndërmjetës në Lindjen e Mesme, pasi mori vendimin për të lëvizur ambasadën e saj nga Tel Avivi në Jeruzalem duke mos iu përmbajtur ligjit ndërkombëtar apo vendimeve të OKB-së.
Ai tha: "Amerika ka zgjedhur të jetë pjesë e problemit dhe jo zgjidhja kështu që ata kanë humbur rolin e tyre si ndërmjetës ndërkombëtar. Nuk mund të mos ndihemi si të jemi në ditët e errëta të para luftës së dytë botërore".
Ai tha se ishte i detyruar të theksonte se Irani ishte i mbërthyer nga kushtet e marrëveshjes së arritur në vitin 2015 me Barak Obamën dhe ishte jetësore që të kishte një vazhdimësi mbi marrëveshjet e tilla.
Vendime egoiste të njëanshme që merren nga administrata amerikane.
Erdogan u zotua se do të vazhdojë të pastrojë kurdët sirianë nga kufiri i tij pasi ushtria e tij pushtoi qytetin Afrin të mbajtur nga kurdet. Ai denoncoi bashkëpunimin e SHBA me grupet kurde, duke thënë se YPD siriane kurde po përpiqej të maskonte identitetin e saj kurd duke u bashkuar me forcat e tjera në luftën kundër Shtetit Islamik.
Qeveria britanike është më pak e gatshme të lidhë YPD me forcat kurde të PKK që luftojnë brenda Turqisë, por pranon se ka një lidhje. Ambasadori i Britanisë së Madhe në Turqi thotë se do të ndërmerren veprime kundër çdo personi britanik që dihet se po lufton për YPD.
Ndonëse Erdogan duket se e ka pakësuar vendosmërinë e tij për të hequr Bashar al-Assadin, si pjesë e bashkëpunimit të tij në rritje me Rusinë lidhur me të ardhmen e Sirisë, shumë prej komenteve të tij, sugjerojnë se ai ende e konsideron atë si një vrasës masiv i cili nuk mund të mbetet udhëheqës për kohë të gjatë .
Ai gjithashtu bëri thirrje për pesë anëtarët e përhershëm të këshillit të sigurimit të OKB-së që të heqin dorë nga roli i tyre dhe t'i dorëzojnë vendet e tyre mbi një bazë rrotulluese për anëtarësimin më të gjerë nga asambleja e përgjithshme. Ai pretendoi se Turqia ishte më demokratike se shumë shtete të BE.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
