Dita e Europës, Meta: Të bëhet çdo përpjekje për çeljen e negociatave

Presidenti Ilir Meta jep një mesazh me rastin e Ditës së Europës, ku kërkon bashkim rreth vlerave.

Sot, në Ditën e Europës, jemi edhe më shumë të vetëdijshëm për rëndësinë e projektit më të madh politik të paqes dhe përbashkimit rreth vlerave që garantojnë bashkëjetesën mes kombeve në kontinentin tonë.

Kreu i shtetit thotë se qëndrojmë përkrah Ukrainës me shpresën e rikthimit sa më parë të paqes në Europë, teksa nënvizon se do të bëhet çdo përpjekje për të nisur procesin e negociatave që do ta shoqërojë Shqipërinë drejt anëtarësimit në familjen së saj të natyrshme europiane.