Në mbledhjen e prag mbrëmjes së të enjtes të Asamblesë Kombëtare të Partisë Socialiste, e cila u mbajt me dyer të mbyllura për afro 50 minuta, Kryeministri Edi Rama ka shkarkuar të gjithë sekretariatin. Pas shkarkimit të sekretariatit, u vendos që zëvendësimi i tyre të bëhet në muajin shtator. Vetëm Damian Gjiknuri u zëvendësua si Sekretar i Përgjithshëm, ndërsa në vend të tij u emërua Bledi Klosi. Në përfundim të Asamblesë, Gjiknuri tha shkurt për mediat, “Më mirë do bëhet”. Sakaq një tjetër ndryshim gjatë asamblesë ishte Bledi Çuçi si kreu i grupit parlamentar, duke zënë vendin e Taulant Ballës, i cili më herët u emërua ministër i Brendshëm, post që e mbante po Çuçi. Sekretariati i shkarkuar 1-Sekretari për Organizimin, Blendi Klosi 2-Sekretari për Çështjet Ligjore dhe Zgjedhore, Eridian Salianji 3-Sekretare për Burimet Njerëzore Anila Denaj 4-Sekretare për Koordinimin, Blerina Gjylameti 5-Sekretari Dixhital, Etjen Xhafaj 6-Sekretare për Gruan, Etilda Gjonaj 7-Sekretare për Marrëdhëniet me Jashtë, Romina Kuko 8-Sekretari për Migracionin, Laert Dura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
