Së shpejti një rrugë në Nju-Jork do të marrë emrin e heroit Isa Boletini. Naser Nikaj, aktivist në SHBA, tha përmes një lidhjeje online se rruga e re reflekton unitetin e komunitetit shqiptar në SHBA.
Është një qendër publike. Pra, edhe fëmijët tanë, por amerikanët kur e shohin, menjëherë e kontrollojnë se kush është. Ne kemi arritur që politikanët këtu në Staten Island të na shikojnë me një sy tjetër, sepse jemi të organizuar. Kemi rrugët „Fan Noli” dhe „Gjergj Kastrioti” në Bronx. Është një gjë shumë e bukur kjo për komunitetin shqiptar. Në Staten Island janë 13% e komunitetit të shqiptarëve.
Nikaj tha se komuniteti shqiptar në SHBA nuk ka mbështetje nga qeveria.
Ne kemi shumë pak përkrahje nga qeveria. Mundohemi me forcat tona të lobojmë për Kosovën. Unë vij nga Mali i Zi dhe arritëm deri te Marc Rubio për të penguar një investim arab në Ulqin. Pra, kur të bashkohemi, mund të bëjmë shumë edhe për Shqipërinë, edhe për Kosovën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
