Britania e Madhe drejt zhvillimit të raketave supersonike të lundrimit deri në vitin 2030

Britania e Madhe planifikon t’i pajisë forcat e saj të armatosura me një raketë lundrimi supersonike deri në vitin 2030.

Kjo bëhet e ditur nga një raport i cituar nga gazeta The Telegraph, sipas të cilit pajisja ushtarake do të projektohet dhe ndërtohet tërësisht në Mbretërinë e Bashkuar.

Raketa supersonike do të lejonte forcat britanike të kishin mjete të barabarta me Kinën, Rusinë dhe Shtetet e Bashkuara të Amerikës, duke zhvilluar një armë të aftë për të fluturuar me shpejtësi pesë herë më shumë se shpejtësia e zërit.

Planet janë në një fazë të hershme, edhe pse ende nuk është vendosur nëse raketa do të lëshohet nga toka, deti apo ajri.

Ministria e Mbrojtjes dëshiron që raketa të projektohet dhe ndërtohet në Mbretërinë e Bashkuar dhe të hyjë në shërbim deri në vitin 2030.

Armët balistike mund të arrijnë gjithashtu shpejtësi supersonike, por ndryshimi është në manovrim, pasi armët balistike në përgjithësi kanë shtigje fikse, por rruga e një arme supersonike mund të ndryshohet pas lëshimit, duke e bërë të vështirë shkatërrimin.

SHBA, Rusia dhe Kina janë lojtarët kryesorë në garën e armëve supersonike, por vende të tjera, si Koreja e Veriut, pretendojnë se kanë testuar armë supersonike.