Presidenti rus, Vladimit Putin ka deklaruar se do të kalohet nga vaksinimi në shkallë të gjerë tek vaksinimi masiv.
Gjatë një takimi me qeverinë, Putin ka theksuar se nisur nga dozat e mëdha që vaksina Spuntik V, ka arritur të sigurojë, mund të kalohet në vaksinim masiv.
"Ne duhet të kalojmë nga vaksinimi në shkallë të gjerë në vaksinimin në masë." Tha Putin
Nënkryeministrja Tatyana Golikova, e cila është përgjegjëse për luftën kundër koronavirusit, tha se sistemi është gati dhe se vaksinimi masiv do të fillojë në 18 Janar.
Rusia, e cila renditet e katërta në botë për nga numri i të infektuarve me koronavirus, ka nisur vaksinimin e shkallës së gjerë muajin e kaluar.
Që prej fillimit të pandemisë Rusia ka regjistruar 3.5 milionë të infektuar me Covid.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
