Kryeministri grek Kyriakos Mitsotakis tha të premten se Bashkimi Evropian duhet të ofrojë integrimin e të gjashtë vendeve të Ballkanit Perëndimor në BE deri në vitin 2033, në atë që ai e quajti një "hap të guximshëm, por të domosdoshëm".
Pushtimi rus i Ukrainës i ka dhënë një ndjenjë të re urgjence nevojës për të lidhur Malin e Zi, Serbinë, Shqipërinë, Maqedoninë e Veriut, Bosnjën dhe Kosovën më afër BE-së.
Në një artikull të botuar në Politico përpara Samitit të mbajtur sot në Selanik Mitsotakis tha se BE-ja duhet të provojë se kur "parashtron një vizion, ajo ka synimin dhe kapacitetin për ta ndjekur".
Vizioni i pranimit në BE për rajonin, tha ai, është bërë "i paqartë, duke u zbehur në sytë e qytetarëve të frustruar dhe të zhgënjyer" pasi zgjerimi i BE-së ka ngecur vitet e fundit për shkak të shqetësimeve të sigurisë, qeverisjes dhe migracionit.
Një samit BE-Ballkani Perëndimor është planifikuar më 23 qershor.
“Mesazhi im sot është i qartë: Në përputhje me kriteret e përcaktuara, le të ofrojmë integrimin e të gjithë Ballkanit Perëndimor në BE deri në vitin 2033, një afat kohor ambicioz, por i arritshëm. Kjo është shumë e vonuar”, tha Mitsotakis.
“Hapi i parë duhet të jetë një vendim brenda dy javësh në Bruksel për të zhbllokuar rrugën e Maqedonisë së Veriut dhe Shqipërisë”, u shpreh kreu i qeverisë greke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
