Gjykata kundër Korrupsionit dhe Krimit të Organizuar ka dënuar ish-kryeprokurorin e Vlorës, Aurel Zarka, në kuadër të dosjes “Toyota Yaris” me 4 vite burgim.
Por në aplikim të gjykimit të shkurtuar dënimi ndaj tij është zbritur në 2 vite e 8 muaj burgim, ndërsa i hiqet e drejta për ushtrimin e funksioneve publike për 5 vite.
Nga hetimet ka rezultuar se Aurel Zarka ka qenë një nga përdoruesit e Sky ECC, i cili mundësonte komunikime të fshehta.
Po ashtu ka rezultuar e provuar se ka kërkuar vlera monetare lidhur me një çështje në Prokurorinë e Vlorës.
Zarka u shpall fajtor për veprat penale “Ushtrimi i ndikimit të paligjshëm ndaj personave që ushtrojnë funksione publike”, e kryer tre herë, e kryer në bashkëpunim dy herë, “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer në bashkëpunim , “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
