Deputetët e Partisë Demokratike dhe Lëvizjes Socialiste për Integrim kanë braktisur sot Komisionin parlamentar të Sigurisë. Në emër të LSI-së, nënkryetari Luan Rama tha se ishte propozuar seancë dëgjimore lidhur me zbulimin e së vërtetës për mosfuksionimin e radarëve.
“Propozova që të përfshihet një cikël seancash dëgjimore. Të qëndroje në atë komision ishte e pavlerë. Jemi të vendosur për të zbardhur të vërtetën e mosfunksionimit të kontrollit të hapësirës detare, pra të mosfunksionimit të radarëve që janë fikur apo janë kontrolluar nga grupet e kriminale”, tha Luan Rama.
Ndërsa deputeti demokrat, Flamur Noka, tha se “opozita do të ndërmarrë aksion politik për të rrëzuar këtë qeveri kriminale. Opozita nuk pranon që Shqipërinë ta qeverisë krimi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
