Papa Françesku në mesazhin e tij të Krishtlindjeve të mërkurën bëri thirrje për bisedime midis Ukrainës dhe Rusisë për t’i dhënë fund luftës që pasoi ndërhyrjen ushtarake në shkallë të gjerë të Moskës dy vjet më parë dhe ka vrarë mijëra persona.
Në fjalimin e tij në ditën e Krishtlindjes “Urbi et Orbi” (për qytetin dhe botën), Papa përmendi drejtpërdrejt konfliktin në Ukrainë dhe bëri thirrje për guximin e nevojshëm për të hapur derën e negociatave.
Duke folur nga ballkoni qendror i Bazilikës së Shën Pjetrit për mijëra të pranishëm në shesh, Papa tha: “Të heshtin zhurmat e armëve në Ukrainën e shkatërruar nga lufta!”
Ai bëri thirrje gjithashtu për “dialog dhe takime, me qëllim që të arrihet një paqe e drejtë dhe e qëndrueshme”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
