Bashkimi Europian shpreh “ngushëllimet e sinqerta” për vdekjen e Presidentit dhe kryediplomatit të iranit, që humbën jetën pas një aksidenti me helicopter.
Charles Michel, presidenti i Këshillit Evropian, tha në X:
“BE shpreh ngushëllimet e saj të sinqerta për vdekjen e Presidentit Raisi dhe Ministrit të Jashtëm Abdollahian, si dhe anëtarëve të tjerë të delegacionit dhe ekuipazhit të tyre në një aksident me helikopter. Mendimet tona shkojnë te familjet.”
Ministri i Jashtëm rus Sergei Lavrov shprehu ngushëllime për vdekjen e presidentit iranian Ebrahim Raisi, duke e konsideruar atë si një patriot të vërtetë të Republikës Islamike dhe një mik të besueshëm të Rusisë.
“Në Rusi, presidenti i Iranit E. Raisi dhe ministri i Jashtëm i Iranit H. Amir-Abdollahian njiheshin si miq të vërtetë dhe të besueshëm të vendit tonë”, tha Lavrov.
"Roli i tyre në forcimin e bashkëpunimit me përfitim të ndërsjellë ruso-iranian dhe partneritetin e besuar është i paçmuar," - tha ai. "Ne shprehim sinqerisht ngushëllimet tona për familjet dhe miqtë e viktimave, si dhe për të gjithë popullin mik të Iranit. Mendimet dhe zemrat tona janë me ju në këtë orë të trishtuar”, u shpreh ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
