Irlanda miraton ligjin i cili kërkon etiketimin e pijeve alkoolike, përfshirë verën, me paralajmërime mbi rreziqet shëndetësore. Ky është shembulli i parë në Europë.
Teksti parashikon që etiketat e produkteve alkoolike tregojnë përmbajtjen e kalorive dhe gramët e alkoolit në produkt. Duhet të specifikohen gjithashtu paralajmërimet për rrezikun e konsumimit të alkoolit gjatë shtatzënisë dhe për rrezikun e sëmundjeve të mëlçisë dhe kancereve fatale për shkak të konsumimit të alkoolit.
Ligji do të zbatohet pas një periudhe tranzicioni prej tre vitesh, duke filluar nga 22 maj 2026.
Ministri i Shëndetësisë, Stephen Donnelly, u shpreh i kënaqur për miratimin e ligjit.
Jam i kënaqur që ne jemi vendi i parë në botë që kemi ndërmarrë këtë hap dhe kemi futur etiketim të plotë shëndetësor të produkteve të alkoolit.
Mezi pres që vendet e tjera të ndjekin shembullin tonë.
Vendimi i Irlandës për alkoolin ka ngjallur kritika nga disa shtete të Bashkimit Europian, përfshirë Italinë, nga vendet anëtare të Organizatës Botërore të Tregtisë dhe nga prodhuesit e pijeve alkoolike si një pengesë e pajustifikuar dhe disproporcionale për tregtinë.
Komisioni Europian ka dhënë dritën jeshile për miratimin e heshtur ndaj propozimit irlandez, pavarësisht polemikave.
Tema do të jetë në axhendën e një takimi të Komitetit të Barrierave Teknike të Tregtisë më 21 qershor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
