Shtyhet për shtator pretenca për ish-ministrin e Brendshëm, Saimir Tahiri. Në një prononcim për mediat, pas daljes nga Krimet e Rënda, Tahiri tha se shtyrja ka shkuar përtej çdo limiti.
“U bënë dy vjet. Edhe shtyrja e sotme është e tepërt. Me pretendimin se gushti është pushim, më duket akoma më e tepër. Ishin kushtet për një gjykim të pandërprerë. Po zgjatet përtej çdo limiti të arsyeshëm. Nuk e kuptoj se si prokuroria nuk është e gatshme të bëjë punën e saj. Ose të dënojë një kriminel, ose të lërë të qetë një njeri të pafajshëm”, tha Tahiri.
Ish-ministri tha se rasti i tij tregon se sa rëndojnë mbi qytetarët e thjeshtë zvarritjet e proceseve.
“Dy vjet humbje kohe. Për më shumë do i dëgjoni në seancë kur të dëgjoni pretentimet e prokurorisë e të miat. Shyqyr që u gjetën dokumentet. Merre me mend ca ndodh me njerëzit, kur unë e kam mundësinë të flas para jush, merre me mend se ç’ndodh me njerëzit”, tha ai.
Seanca e radhës për Tahirin do të mbahet më 10 shtator.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
